LAOAG CITY – Nakastreken iti maikatlo a round ti US Open ni Pinay tennis star Alex Eala kalpasan nga inabak na ni Oleksandra Oliynykova ti Ukraine iti score a 6-1, 6-4.
Iti umuna a set paylaeng ket nadominaren ti seeded 17 ti torneo a ni Eala iti laban da a naiyuswat iti Louis Armstrong Stadium.
Apaman a nakastrek iti maikadwa a set ket apagapaman a nakasubbot ni Oliynykova ngem saan nga inpalubos ni Eala nga umabot pay ti maikatlo a set isut gapuna nga inleppas nan ti ay-ayam.
Ti resulta ti ay-ayam ket arigna panangsubbot ni Eala iti
Ukrainian tennis player nga immuna a nangabak kenkuanan idi Mayo iti Strasbourg tournament.
Daytoy met ti kaunaaan a gundaway a nakastrek iti maikatlo a round ti US Open gapu ta iti napalabas a tawen ket nagpatingga laeng iti maikadwa a round.
Sumaruno a makasango ni Eala ti siasinno man a mangabak iti nagbaetan da Francesca Jones ti United Kingdom ken Iva Jovic ti Estados Unidos.
Naka-schedule ti laban ni Eala para iti maikatlo a round ti US Open iti oras ti alas-onse ti rabii intono bigat, Seytembre 5.
