LAOAG CITY – Inbilin ti Korte idiay South Korea iti pannakaarestar iti asawa ti nakabalud a dati a Presidente a ni Yoon Suk Yeol.
Nangiparuk-aten ti arrest warrant ti Seoul Central District Court kontra ken ni Kim Keon Hee a sumangsango daytoy kadagiti nagduduma a krimen kas ti bribery, stock manipulation ken pannakibiang iti panangpili kadagiti kandidato.
Naammoan a ti panangimbestigar ken ni Kim ket paset ti maysa kadagiti tallo nga special prosecutor a nangiwayat ti imbestigasion iti babaen ti baro a liberal government a target ti kina-Presidente ni Yoon.
Maipalagip a naikkat iti puesto ni Yoon idi Abril ken naarestar manen idi Hulio kalpasan ti panangipatungpal daytoy ti apagbiit a martial law idi Disiembre.
Kabayatanna, saan a nangipaay pay ti rakurak ni Kim idi nagatendar daytoy iti Korte ken agdama nga adda iti detention center iti abagatan ti Seoul a nagsina iti pagbaludanda ken ni Yoon.
