LAOAG CITY – Plano ni United States President Donald Trump a sumurot iti panagpatrolya dagiti otoridad iti kalsada ti Washington D.C.
Inbatadna a kalikagumna a makita ti situasion ti Washington DC kaduana dagiti pulis ken suldado.
Basar iti White House, manarimaan ti panangiplastarda iti gagem ni Trump a sumurot iti panagpatrolya.
Immuna iti daytoy, binisita ni United States Vice President JD Vance kaduana ni Defense Secretary Pete Hegseth dagiti National Guard members a nakadesignar iti DC iti main train station.
Maipalagip a nangiwaras ni Trump dagiti miembro ti national guard iti United States Capitol tapno malappedan ti adu a krimen iti lugar.
