LAOAG CITY – Panawenen tapno maaddaan ti master plan tapno masolusyunan dagiti mapaspasaran a layos iti kadakkelan a paset ti Metro Manila.
Daytoy ti inrakurak ni Manila Representative Joel Chua mainaig iti napasamak a layos iti Metro Manila kalpasan a nagtudo laeng ti napigsa.
Inpetteng na a napinpintas no rugyanen ti panangadal ken no addan ti napintas a master plan ket rumbeng nga ipatungpal a dagus tapno masolbaren ti problema.
Inkalintegan pay ti kongresista a saan nga amin ket ipabasol iti flood control project ti mapaspasaran a layos iti Metro Manila.
Innayon na a basar kadagiti panagadal ket 70% ket dagiti basura ti mangituntunda ti nalawa a layos ken ti panagnanaed dagiti umili iti danger zone.
