LAOAG CITY – Naparalisa ti sumagmamano a paset ti Greater Tunis iti Tunisia kalpasan a nangitunda ti nalawa a layos, pannakailandra ti sumagmamano a lugan ken pannakadadael ti serbisyo ti kuryente ken internet ti napigsa a tudo.
Sinuspenso a dagus dagiti otoridad dagiti klase kadagiti pagadalan ken unibersidad isut gapuna a nagal-alisto dagiti nagannak a napan nangsukon kadagiti annak da iti baet ti nairot a trapiko.
Napasamak ti kalamidad sumagmamano a bolan laeng kalpasan ti iduduprak ti nalawa a layos iti isu metlaeng a ciudad idi Enero ita a tawen.
Nadismaya dagiti residente iti lokal a gobierno gapu iti maipagarop a kaawan ti umdas a panagsagana ken preventive measures sakbay a madanun ti panawen ti panagtutudo.
