LAOAG CITY – Awan ti plano ti Ehekutibo a dumalan iti drug test dagiti opisial ken dagiti adda iti babaen daytoy.
Inbatad ni Executive Secretary Lucas Bersamin, dati nga ar-aramidenen ti Ehekutibo ti nasao a proseso isu a saan a makuna nga orihinal ti ideya ti Senado a drug testing.
Inlawlawagna a no maobserbaran dagiti opisial ken kameng ti ehekutibo ket insigida a dumalan dagitoy iti drug testing tapno maduktalan no agus-usarda ti illegal a droga.
Kunana nga amin nga ahensia ti gobierno nga adda ti panagatapda kadagiti opisial ken agpapaay kadagitoy ket mangiwaywayatda ti drug testing.
Maipalagip a namunganay ti panagpa-drug test dagiti sumagmamano a Senador ken dagiti staff-da kalpasan ti kontrobersia ti maipagarup a panagusar ti marijuana ti maysa kadagiti staff ni Sen. Robin Padilla a ni Nadia Montenegro a nagikkaten iti trabahona.
