LAOAG CITY – Binabalaw ni Illinois Governor JB Pritzker ti plano ni United States President Donald Trump a pannakaidesignar ti National Guard idiay Chicago.
Inbatad ti gobernador a maysa daytoy a maibilang a panangabuso iti bileg ni Trump.
Inlawlawagna nga awan ti aniaman nga emerhensia a mapaspasamak isu a nasken a saan nga agiwaras kadagiti National Guard.
Immunan a nangiwaras ni Trump ti agarup dua a ribu a suldado idiay Washington DC tapno malappedan dagiti mapaspasamak a krimen.
Plano pay ni Trump a mangikabil ti National Guard idiay Chicago ken idiay New York a kontrolado ti Democrats.
