LAOAG CITY – Sinuspenso ti Department of Public Works and Highways (DPWH) ti panangaprubar ti authority to travel abroad para kadagiti opisyal ken empleado ti nasao nga ahensya.
Daytoy ket kalpasan ti naisayangkat nga internal validation kadagiti proyekto ti ahensya, a gagem na masigurado ti integridad ken usto a panangusar ti pondo ti gobyerno.
Iti dokumento a pirmado ni Sec. Manuel Bonoan, paset daytoy ti ad-adda pay a napaigetan a transparency ken accountability measures iti baet dagiti isyu a sangsangwen ti sumagmamano nga ahensya mainaig iti lifestyle checks ken anomalya kadagiti proyekto.
Maipalagip nga iti babaen ti agdama a pagannurutan ket kasapulan ti travel authority manipod iti ahensya para iti aniaman nga opisyal a biyahe iti ruwar ti pagilian, kangrunaan na no daytoy ket adda ti pakainaigan iti trabaho wenno representasyon.
Ti temporaryo a pannakasuspenso na ket manamnama a mangipaay ti gundaway para iti naiget a pannakatingiting dagiti travel requests ken tapno maliklikan ti possible a panagabuso iti daytoy a pribilehiyon.
