LAOAG CITY – Naidungpar ti maysa a pick-up iti waiting shed ken nairaman pay ti multi-cab iti napasamak a desgrasya iti Barangay Rioeng ditoy ciudad ti Laoag.
Ti nagmaneho ti pick-up ket agtawen ti 24 ken residente iti ili ti Piddig idinto a ti kotse ket inturong ti addaan ti umano nga edad ken ti kadua na nga agtwaen ti 45, agpada dagitoy a residente iti Barangay Albano iti ili ti Dingras.
Iti inisiyal nga imbestigasyon dagiti kameng ti pulisya, agpada nga agpadaya ti kotse ken sumarsaruno met ti pick-up.
Idi nadanon dan iti lugar a nakapasamakan ti insidente ket ginandat ti pick-up nga agovertake ken naidungpar iti akin-kannigid a parte ti kotse agingga a naidungpar iti alad, waiting shed ken multi-cab.
Kas resulta, nagsagaba ti sugat ti driver ken pasahero ti kotse ken naitaray dagitoy iti Gov. Roque Ablan Sr. Memorial Hospital idinto a saan a naan-ano ti driver ti pick-up ken saan met a nakainom ti nasanger.
Kabayatanna, inbatad ni Barangay Chairman Ortal iti Barangay Rioeng ket masapol a masukatan ti alad ti pagtaengan, waiting shed kasta met ti multi-cab.
Innayon pay ti kapitan a ti lugar a nakapasamakan ti desgrasya ket maibilang nga accident-prone area.
