LAOAG CITY – Inbutaktak ti agasawa a Sarah ken Curlee Discaya ti maipagarup a korapsion kadagiti flood control projects ti Department of Public Works and Highways (DPWH) iti panagdengngeg ti Senate Blue Ribbon Committee ita nga aldaw ti Lunes, Septiembre 8.
Segun kadagiti agasawa, paulit-ulit nga inusar isuda dagiti opisial ken agpanpanday linteg tapno makakolektar ti 10% agingga iti 25% a “kickback” manipud iti gatad ti proyekto kas kondision tapno saan daytoy a lappedan.
Nakasagana pay dagitoy nga agbalin nga state witnesses iti imbestigasion ti Senado.
Naammoan a dagiti sumagmamano nga innaganan ti agasawa a maipagarup a karaman ket dagiti sumaganad:
Pasig Rep. Roman Romulo
Quezon City Representatives: Arjo Atayde, Patrick Vargas, Reynante Arogancia, Marvin Rillo ken Marivic Co-Pillar
Marikina Rep. Marcy Teodoro
Bulacan Rep. Florida Robes
Aklan Rep. Teodorico Haresco
Romblon Rep. Leandro Madrona
Occidental Mindoro Rep. Leody Tarriela
Caloocan Rep. Dean Asistio
Zamboanga Sibugay Rep. Antonieta Yudela
Partylist Reps. Jojo Ang (Uswag Ilonggo), Nikki Briones (AGAP), Bem Noel (An-Waray)
Terrence Calatrava, dati nga Undersecretary ti Office of the Presidential Assistant for the Visayas (OPAV).
Kabayatanna, agtultuloy ti imbestigasion kadagiti sumarsaruno pay a lawas.
