LAOAG CITY – Mangisyu ti Commission on Elections (Comelec) ti show-cause order (SCO) kontra iti presidente ti Centerways Construction and Development Inc. gapu iti P30 million a donasyon na kabayatan ti 2022 senatorial campaign ni Senador Francis “Chiz” Escudero.
Segun ken ni Comelec chairperson George Erwin Garcia, pagpalawagen ti poll body ni Lawrence Lubiano mainaig iti campaign donation ken sungbatan na no apay a saan a rebbeng a patawan ti election offense gapu iti panaglabisng ti Section 95 ti Omnibus Election Code (OEC).
Ti show-cause order ket iparuk-at ti Commission on Election intono bigat, Setyembre 11.
Maipalagip a kabayatan ti panagdengngeg iti kamara de representantes mainaig iti flood control projects ket inadmitir ni Lubiano a nagdonar ti P30 million ken ni Escudero kabayatan ti senatorial bid na idi 2022.
Nupay kasta, inkalintegan na a ti nasao a kantidad ket naggapo a miso iti bulsa na.
Inadmitir met ni Escudero nga agpagayam da ken ni Lubiano ken kinumpirmaran na a maysa daytoy a timmulong iti panagkampanya na idi 2022, ngem naglikudan na a nakiballaet iti negosyo ken kontrata na iti gobierno.
