LAOAG CITY – Umad-ado ti bilang dagiti online sellers ditoy probinsya.
Daytoy ti inbatad ni Provincial Director Amelia Galvez iti Department of Trade and Industry.
Kuna na a maysa daytoy a tututukan da iti agdama gapu ta adda dagiti reklamo a sumagmamano kadagiti mailaklako iti online ket peke ken substandard.
Innayon ni Galvez a karaman pay a maaw-awat da a reklamo ket manipod kadagiti physical stores gapu ta maatiwan agsipud ta ado dagiti umili a pilyen da lattan ti aglako iti online uray awan pay ti business permit dagitoy wenno saan da a nairehistro dagiti produkto da iti Department of Trade and Industry.
Immunan nga inrakurak ni Galvez a nangipaay da ti deadline kadagiti online sellers tapno irehistro ken matingiting dagiti produkto da para iti E-Commerce Philippine Trustmark, maysa a sertipikasyon a mangipasigurado a natalged ken dekalidad dagiti produkto a mailaklako iti online.
