LAOAG CITY – Inbatad ni Dr. Socorro Galanto iti Technical Education and Skills Development a maysa kadagiti programa ti ahensia ket ti panangisagana kadagiti agkalikagum nga agtrabaho iti sabali a pagilyan babaen kadagiti naruay nga skills training ken livelihood program da.
Kunana nga adda dagiti scholarship program da para kadagiti mangayat nga agtrabaho iti ballasiw-taaw babaen iti tulong kek suporta nga ipapaay ti gobierno probinsial, primero ken segundo distrito.
Segun kenni Galanto, saan a mailibak a naruay dagiti panggedan a maididiaya iti sabali a pagilyan.
Inlawlawag na a nupay ti kalikagum ti gobernador ken bise gobernador iti probinsia ket ti saanen a kasapulan dagiti kailian ti mangged iti ballasiw-taaw gao ta ditoy probinsia ket naruayen dagiti agduduma a bakante a posisyon a mabalin gundawayan ngem agsebri a panangisagana dagitoy tapno mangsukat kadagiti Filipino nga agawiden ditoy pagilian kalpasan ti kontrata abroad.
Daytoy ti rason nga agtultuloy ti maipapaay a training ken seminar tapno ad-adda pay a maasa ti kabaelan dagiti kaprobinsiaan ken nakasagana dagitoy iti kaylikagom da a pagtrabahuan.
Maipalagip nga iti kallabes ket naangay ti World Cafe of Opportunities a nakipagpasetan ti TESDA tapno mangipaay ti panggedan.
Mainaig iti daytoy, inpakaammo ni Galanto nga umabot iti 1291 overseas employer ti agkasapulan ti empleado da ken lima nga overseas agencies ti dimmar-ay iti nasao nga aktibidad.
