LAOAG CITY – Ngimmato manen ti bilang dagiti Pilipino nga awanan trabaho idi Mayo 2026.
Basar iti Philippine Statistics Authority (PSA), umabot iti 2.5 milyon ti awanan trabaho, nangatngato maidasig iti 2.41 milyon idi Abril ken 2.03 milyon idi Mayo 2025.
Dinakamat ni Claire Dennis Mapa, National Statistician ken Philippine Statistics Authority chief a manipud iti 52.13 milyon a tattao iti labor force, katukad ti 4.8% unemployment rate ti awanan trabaho.
Nangatngato daytoy ti 4.7% idi Abril ken 3.9% iti napalabas a tawen.
Naammoan nga 48 iti tunggal 1,000 a Pilipino ti awan ti pagtrabahoanna.
