LAOAG CITY – Inpasigurado ni Mayor James Bryan Alcid ditoy ciudad ti Laoag a nakasagana ti City Government a tumulong ken agresponde nu inkaso man a kumaro pay ti situasion ditoy ciudad.
Kunana nga addan ti immuna a naipaay kadagiti siyam a nagbakwit iti Brgy. Cavit ken nakasagana pay a mangiparuk-at ti ciudad nu kumaro ti situasion ken umadu ti bilang dagiti agbakwit.
Inbatad ni Alcid a naiget ti koordinasion da kadagiti amin a punong barangay tapno agtalinaed nga updated daytoy iti situasion iti tunggal barangay kangrunaan na kadagiti coastal area.
Binalakadan na ti publiko nga agtalinaed iti uneg ti pagtaengan wenno agturong kadagiti evacuation center.
Inbatad ni Alcid a silulukat dagiti hotline number ti ciudad a matawagan no adda iti agkasapulan ti tulong.
