LAOAG CITY – Binabalaw ni US President Donald Trump dagiti pagilyan a nangbigbig iti two-state solution iti Palestine State.
Kabayatan ti panagbitla na iti United Nations General Assembly (UNGA) idiay New York, ti nasao nga addang ket arig na maysa a gracia para iti Hamas.
Nagpanawan manen daytoy kadagiti pagilyan a masapol nga agtitinnulong para iti panangipatungpal ti ceasefire para iti panaglippas ti gubat iti Gaza.
Inadmitir na met a narigat a malpas ti gubat iti nagbaetan ti Ukraine ken Russia ngem nakasagana a mangaramid ti addang kas ti panangipataw ti nadagsen a sanctions iti Russia para iti ceasefire.
