LAOAG CITY – Resrespetaren ti Malacañang ti independensia ti Independent Commission for Infrastructure (ICI) kagiddan ti panangirakurak ni Baguio City Mayor Benjamin Magalong ti desisionna a nagikkat kas special adviser ti komision a mangim-imbestigar iti anomalya iti infrastructure projects iti baet ti posible a conflict of interest.
Mainaig iti daytoy, inpakaammo ni Presidential Communications Office (PCO) Acting Secretary Dave Gomez a sayang ti panagikkat ti Mayor ngem ti kalikagum dagiti Pilipino ti agballigi iti asinoman.
Kuna pay ti opisial a ti Independent Commission for Infrastructure a bukbuklen dagiti nalalatak a propesional a saan a maiganatadan nga integridad ket insigida a rinugianan ti trabahoda iti umuna nga aldaw pay laeng nga awan ti masaysayang nga oras.
Immunan nga inlawlawag ni Mayor Magalong nga awan ti conflict of interest iti trabahona kas maysa a local official ken special adviser ti Independent Commission for Infrastructure.
Inbatadna a saan a nagbalin nga alisto ti desisionna ngem mamati daytoy nga isu ti kasapulan.
Iti baet ti panagikkatna iti komision, inpettengna nag agtultuloy ti panangikagumaanna para iti kinapudno ken hustisia kagiddan ti panangipasiguradona iti publiko nga itultuloyna ti laban kontra iti korapsion.
