LAOAG CITY – Nasugatan ti maysa a lalaki kalpasan a pinaltogan ti mismo a kasinsin na iti Barangay Sta. Cruz Sur iti ili ti Badoc.
Segun kenni Police Captain Elison Pasamonte, ti chief of police ti Philippine National Police – Badoc, ti biktima ket agtawen ti 32, maysa a mannalon ken residente iti Sitio 4 iti nadakamat a barangay idinto a ti suspek ket agtawen ti 32.
Inbatadna nga iti inisyal nga imbestigasyon da, prinobokar ti biktima ti kasinsin na a babai a kabbalay na met laeng agingga a nagpatulong ti maseknan iti kasinsin da nga isu ti suspek.
Gapo iti daytoy ket napan naganawa ti suspek ngem saan latta a nagtalna ti biktima isut gapo na a nagawid ti suspek ken idi nagsubli ket addan ti iggem na a paltog agingga a pinaltogan nan ti biktima.
Naamoan a kalpasan daytoy ket nakita ti dara-dara a biktima iti asideg ti bubon da iti likod ti pagtaengan da.
Inbatadna a gapo iti pannakapaltog ti biktima ket natamaan ti bukot na ken naitaray iti Sto. Cristo Milagroso Hospital iti ili ti Sinait ken iti agdama ket addan iti nasayaat a kondisyon.
Nakarekobre met dagiti otoridad ti maysa a kapsula ti kalibre 45 a paltog ken ti suspek ket naglibas ngem gutgutiguten ti pamilya na a sumuko ken sangwen na ti kaso na.
Mainaig iti daytoy, kalpasan ti krimen ket dagus a naglibas ti suspek ken tugot na ti paltog nga inusar na.
Iti agdama ket agtultuloy pay laeng ti naun-uneg nga imbestigasyon ti pulisya ken manhunt operation para iti pannakatiliw ti suspek.
Kabayatanna, awan pay ti desisyon ti biktima ken ti pamilya na no mangipila ti reklamo kontra iti suspek.
