LAOAG CITY – Naidefer ti resolusyon para ti pannakai-reprogram ti P4,046,354 a milyon a pisos manipod iti capital outlay iti calendar year 2025 a daytoy ket maiyalokar koma para iti solar street light ken ti pannaka-instolar ti water supply system iti housing project ti Provincial government nga Adigi Homes.
Daytoy ket kalpasan a kwinestyunaran ni Hon. RJ Fariñas ti wagas ti pannakai-reprogram ti nasao a pondo.
Patienna a daytoy ket ordinansa koma ken saan a resolusyon a kas ti immuna a naidasar iti session.
Inbatadna a basar iti local government code, section 336, awan ti ordinansa a maipasa no saan a sertipikaran ti local chief executive nupay daytoy ket adda iti maymaysa a sangay ti pondo.
Kabayatanna, inmunan nga inlawlawag ti Provincial Assessor’s Office a saan a makaumanay ti pondo a naiyalukar iti 2025 annual budget isut gapuna a masapol nga i-reprogram dagiti saan a naus-usar a budget iti nasao a tawen.
Kunana nga adda ti pammilin a gapu ta awan pay ti nasao a proyekto ket mangiyalokar da lattan ti sag-maysa a milyon a pisos para iti daytoy.
