LAOAG CITY – Namnamaen ti Bangko Sentral ng Pilipinas (BSP) a ti September inflation ket manipud 1.5 percent agingga iti 2.3 percent.
Segun iti BSP, ti panagngato iti presyo iti dayta a bulan met gapo met iti panagngato ti presyo ti bagas ken ikan.
Malaksid iti daytoy, ti pay domestic fuel costs ti maysa kadagiti rason iti price pressures iti nasao a bulan.
Nupay kasta, inlawlawag ti BSP a dagitoy ket mabalin a ma-offset babaen iti panagbaba met ti presyo ti nateng ken karne kasta met iti nababa nga electricity rates.
Inlawlawag ti BSP nga itulttuloy na ti panagmonitor iti domestic ken international developments a makaapektar iti outlook para iti inflation ken growth mainaig iti data-dependent approach iti monetary policy formulation.
Iparuk-at met ti Philippine Statistics Authority ti headline inflation data para iti bulan ti Setyembre inton Oct. 7.
Maipalagip a ngimmato ti inflation iti 1.5 percent idi August manipud iti 0.9 percent idi July.
