LAOAG CITY – Kimmapuy iti 6.1 a porsiento ti inflation idi Agosto kumparar iti 6.2 a porsiento idi Hulio.
Nupay kasta, agtalinaed a ti taraon ti kadakkelan a nangpangina iti gastosen ti kada pamilia a Pilipino a nang ti umabot tallo a porsiento iti pakabuklan nga inflation rate iti intero a pagilian.
Nakatulong iti panagkapuy ti food inflation no sadinno bimmaba iti 4.6 a porsiento, ti dakkel a panaglaka dagiti nateng, root crops ken saba. Kimmapuy pay bassit ti panagngato ti presio tiikan kadagiti merkado.
Kabayatanna, ngimmato ti presio ti dadumma pay a kangrunaan a magatang kas ti prutas ken tinapay. Ngimmato pay iti 19.4 a prosiento ti inflation ti bagas gapu iti panagngato ti presio ti pata ken pannakalapped ti panagbiahe dagiti suplay.
Mainaig iti daytoy, inpasigurado ni Agriculture Secretary Francisco Tiu Laurel Jr. nga umdas ti suplay ti bagas iti pagilian gapu kadagiti maap-apit a pagay ken nasapa a panagangkat kas panagsagsagana iti El Niño.
Inpakaammo ti ahensia a dagiti panaglayus manipud kadagiti kallabes a bagyo ket mabalin a mangitunda dagiti baro a bottleneck ken temporario a panagpangina manen iti presio ti nateng ken ikan.
Inpasigurado na ti pannakapaspas iti biahe dagiti suplay ken panagurnos kadagiti nadadael a talon tapno mapagtalinaed a nalaka dagiti taraon ti kada pamila a Pilipino.
