LAOAG CITY – Manamnama ti pannakaitag-ay ti serbisyo ti Health Care iti mapadpadaanan a panagoperar ti Super Health Center iti ili ti Vintar.
Daytoy ti kalikagom ni Mayor Richard Degala kabayatan ti panagsagsagana da para iti panaglukat ti nasao a pasilidad.
Inbatad na nga awan ti problema iti operasyon gapu ta dagiti agdama nga agserserbi iti Municipal Health Office ket maiyakar da iti panagoperar ti Super Health Center ken agnayun da ti agserbi a nurse.
Mainaig iti daytoy, nagpanawagan ti mayor kadagiti residente iti ili ti Vintar a kwalipikado nga agaplikar tapno agserbi iti Super Health Center.
Maipalagip nga iti laeng kallabes ket naisayangkat ti ocular inspection ken pannakadalos ti Super Health Center iti ili ti Vintar kas paset ti panagsagsagana para iti panaglukat na iti kabiitan a panawen.
