LAOAG CITY – Inbatad ti health ministry official ti Senegal nga umabot iti 17 a tattao ti natay gapo iti Rift Valley Fever (RVF), ti maibilang a deadliest outbreak iti dekada.
Segun kenni Dr Boly Diop, ti ministry’s head of RVF surveillance, ti 119 a kaso ket manipud iti northern Senegal, maysa a major livestock-producing region, ken posible nga agwaras pay daytoy.
Ti Rift Valley Fever ket maysa a viral disease nga ummuna a makaapektar iti livestock ket maiwaras kadagiti dadduma nga ayop babaen iti lamok.
Segun iti World Health Organization, awan ti human-to-human transmission a nairekord da mainaig iti nasao a sakit.
Basar iti Africa Centres for Disease Control and Prevention, maimpektaran dagiti tattao babaen iti kagat ti lamok wenno contact iti dara, body fluids wenno tissues iti ayop nga addaan ti kastoy a sakit.
