LAOAG CITY – Manamnama a rugyan ti Commission on Elections (Comelec) ti voters registration para iti Barangay ken Sangguniang Kabataan (SK) elections intono Oktubre 20.
Ti panagparehistro ket maiyuswat iti intero a pagilyan malaksid laeng iti Bangsamoro Autonomous Region in Muslim Mindanao (BARMM) ken aglippas agingga iti Mayo 18.
Segun kenni Commission on Elections chairman George Garcia, ti voter registration ti Barangay ken Sangguniang Kabataan elections ti Bangsamoro Autonomous Region in Muslim Mindanao ket mangrugi met iti Mayo 1 agingga iti Mayo 18.
Inbatad na a maisayangkat daytoy kalpasan met ti Bangsamoro Autonomous Region in Muslim Mindanao parliamentary election intono bulan ti Marso.
Namnamaen met ti Commission on Elections nga adda ti 1.4 milyon ti agparehistro iti naikeddeng a pito a bulan a panagprehistro.
Kabayatanna, maiyuswat ti Barangay ken Sangguniang Kabataan Elections intono Disyembre 2026.
