LAOAG CITY – Pinirmaanen ni Presidente Ferdinand Marcos Jr. ti Republic Act No. 12326 wenno ti pananiyurnos ti termino dagiti opisial ti Barangay ken Sanggunniang Kabataan (SK).
Iti transition period, maibilang iti maysa a pakabuklan a termino ti kanayonan a dua a tawen iti serbisio dagiti incumbent barangay officials.
Gapu iti daytoy, dagiti agdama nga opisial nga adda iti maudi a termino iti agpada a posision ket saanen a mabalin nga agkandidato iti kapada a posision inton November 2028 Barangay at Sangguniang Kabataan Elections wenno BSKE.
Nupay kasta, saan nga exempted dagiti incumbent officials kadagiti pending wenno baro nga administrative, civil wenno criminal cases ken daddumma pay nga obligasion kabayatan ti serbisioda.
Insigida a maipatungpal ti nadakamat a Republic Act kalpasan daytoy a maitandudo iti Official Gazette, maysa nga publikasion ti pagilian.
