LAOAG CITY – Saan a kinapsot ti naulimek a panangidaulo ni Philippine National Police Chief, Lt. General Jose Melencio Nartatez Jr. no diket namnama iti panawen a kurang ti talek ti publiko kadagiti institusion.
Daytoy ti inrakurak ti Chairman Emeritus Dr. Jose Antonio Goitia.
Inbatadna a ti pudno a pagrukudan iti panagbalin nga epektibo a lider ket integridad, iti aramid, disiplina ken napudno a panagserbi.
Sipod idi nadutokan iti puesto, indaluoan ni Nartatez ti Philippine National Police iti nainayad ngem natibker a wagas.
Maysa kadagiti umuna a pammilinna ti nauneg nga internal audit dagiti yunit ken maminsan a panangtingiting kadagiti posision iti kapulisan tapno masigurado nga husto ken patas ti operasion kadagiti amin.
Ti kinalawa ti kapadasan ket nangpatibker iti estilo ti panangidaulo a naannad, kalmado ken nalawag ti direksion a makitkita ken ni Nartatez.
Iti kallabes, nakita ti tibker ti panangidaulona iti naurnos a panangiggem ti anti-corruption rallies idi Setiembre 21.
Nagbalin a naannayas dagiti tignay-protesta ken nawaya dagiti umili a maipeksa ti kaririknada.
Pinatibkerna nga awan ti “quota arrest” iti Philippine National Police gapu ta para kenkuana, ti hustisia ket saan a marukud iti kinaadu dagiti matiltiliw no diket iti panagbalin a patas ti proseso.
