LAOAG CITY – Kalikagom ti gobierno probinsyal iti panangidaulo ni Governor Cecilia Araneta-Marcos nga ad-ado pay dagiti investors nga umay agpuunan ditoy probinsia.
Segun iti gobernador, no ad-ado dagiti investors nga umay agpuunan ditoy probinsya ket nangatngato met ti mapastrek dagiti umili no sadinno a babaen iti daytoy ket saanen a nasken a mapan da pay agtrabaho iti sabali a pagilyan.
Kunana nga adda dagiti nakasarsarita na manipod iti Taiwan ken nagkari da a nakasagana da nga agpasweldo iti katukad ti ipaspasweldo da met laeng iti nadakamat a pagilyan.
Inbatad na a daytoy ti kalikagom na a maipatungpal ditoy probinsia gapu ta ammo na no kasano ti kinapateg ti panagdedenna ti sangapamilya.
