LAOAG CITY – Nagkiddaw ti San Nicolas Municipal Police Station iti Scenes of Crime Operation or Scenes of Crime wenno SOCO Specialist iti rehion uno para iti imbestigasion mainaig iti pannakapukaw dagiti medical items iti Municipal Health Office iti Barangay 3, San Ildefonso iti ili ti San Nicolas.
Segun ken ni P/Capt. Sygman Benigno, Hepe ti San Nicolas Municipal Police Station, babaen iti daytoy ket mangiwayatda ti falling gravity test kadagiti empleado ti Municipal Health Office.
Inbatadna a ditoy a mapaneknekan no pudno met laeng dagiti immun-una a salaysay dagiti nasao nga empleado ti Municipal Health Office iti San Nicolas Municipal Police Station.
Inlawlawagna a marigatanda iti panangiwayat ti imbestigasion gapu ta awan ti nakaimuntar a Close Circuit Television wenno CCTV camera iti ruar ken uneg iti Municipal Health Office.
Nupay kasta, kuna ni P/Capt. Benigno nga adda ti panag-backtracking-da kadagiti kaasitgan nga establishimento tapno makaalada ti lead iti imbestigasion.
Maipalagip a karaman kadagiti mapukpukaw ket ti dua a Microscope nga agbalor ti P80,000.00 iti tunggal maysa; maysa a Micro Hematocrit Centrifuge nga agbalor ti P80,000.00; maysa a Serum Electrolyte Analyzer Machine nga agbalor ti P600,000.00; ken maysa nga AVR nga agbalor ti P6,000.00 nga agdagup ti P846,000.00.
