LAOAG CITY – Balligi a naarestar ti maysa a lalaki iti ili ti San Nicolas kalpasan ti pannaka-isyu-na ti warrant of arrest.
Ti suspek ket agtawen 25, awanan asawa ken residente ti Brgy. 3 San Ildefonso iti metlaeng nasao nga ili.
Ti pannakaarestar ti suspek ket babaen ti panangidaulo ti San Nicolas Municipal Police Station a nagbibinnuligan met ti Regional Intelligence Unit (RIU), Regional Intelligence Division, PRO1 (RID-PRO1), Provincial Intelligence Unit (PIU), 101st Maneuver Company, Regional Mobile Force Battalion 1 (RMFB1) ti INMARPSTA Unit,
Ti warrant of arrest ket naiwayat babaen ti bileg ni Hon. Conrado T. Tabago, presiding judge ti Second Judicial Region, Branch 9 ti Regional Trial Court RTC Aparri, Cagayan gapu iti panaglabsing iti Article II ti Republic Act. 9165 wenno ti Comprehensive Dangerous Drugs Act of 2002.
Iti agdama, manarimaan ti pannkaisagana dagiti dokumento sakbay a mai-turnover ti suspek iti korte a naggapuan ti arrest warrant.
