LAOAG CITY – Saanen a matuloy ti hearing ti Independent Commission for Infrastructure (ICI) kenni dati nga former Speaker Martin Romualdez.
Segun iti ICI, nagkiddaw ni Romualdez nga itantan ti hearing nga orihinal a naikeddeng iti Oktubre 22, 2025 gapo ta kasapulan a dumalan iti medical procedure.
Inbatad ti investigating body a mangisyu ti advisory apaman nga addan ton ti petsa iti panagdengeg mainaig pay laeng iti isyu ti flood control projects ken kurapsyon.
Ummunan nga inbatad ni ICI Executive Director Brian Keith Hosaka a ti kuma panagdengeg intono Miyerkules ket isu ti maikadua a daras nga agatendar ti agpanpanday linteg.
Iti napalabas a lawas ket bimmisita ni Romualdez iti opisina ti ICI idiay Taguig kalpasan ti imbestigasyon ng agatendar iti closed-door hearings.
Inlawlawag ni Hosaka, awan ti dinakamat ni Romualdez a siasinno man a personalidad mainaig iti maipagarop a corruption scheme iti affidavit na ngem adda dagiti innaganan na nga agpanpanday linteg a maatap a karaman iti isyu met iti national budget.
Gapo iti daytoy, kuna ti ICI a paayaban na met dagiti nainagana nga indibidual ngem nakadepende daytoy iti saritaan iti komisyon.
Maipalagip nga inpetteng ni Romualdez nga awan ti ilemlemmeng na ken nakasagana a mangipakita ti Statement of Assets, Liabilities, and Net Worth (SALN) na.
