LAOAG CITY – Nasugatan ti tallo nga indibidual iti pannakauram ti Chinachem Tower iti Central Business District idiay Hong Kong.
Basar kadagiti otoridad, napaspas ti panagramram ti apoy a nangitunda ti pannaka-trap wenno pannakapupok dagiti nasao a tallo nga indibidual iti uneg ti maysa kadagiti paset ti dakkel a pasdek.
Mainaig iti daytoy, naisalakan dagiti tallo babaen kadagiti emergency crew ken dua kadagiti nasugatan ti naitaray iti ospital para iti naan-anay a pannakatamingda.
Kabayatanna, ti uram ket gapu iti temporario a pannakapaserra kadagiti kalsada ken rason iti pannakariribuk iti maibilang a busiest commercial areas idiay Hong Kong.
