LAOAG CITY – Plano ti Pilipinas nga aghost iti Asian Youth Games.
Segun kenni Philippine Olympic Committee (POC) president Abraham “Bambol” Tolentino, naidanon nan iti Malacañang maipapan iti kalikagom na nga aghost iti 2031 Asian Youth Games.
Inbatad na a malaksid iti Asian Youth Games, ket ikonsiderar da pay ti panag-host iti Asian Beach Games.
Mangnamnama a tulongan ti gobierno a mangtungpal iti planona nga aghost iti daytoy.
Kalikagom na a mapapigsa ti tsansa dagiti agtutubo nga atleta ti pagilian a makipaset kadagiti international competitions.
Iti agtultuloy nga Asian Youth Games idiay Bahrain, nangipatulod ti Pilipinas iti 136 nga atleta a makipaset iti volleyball, golf, triathlon, boksing, teqball, athletics, weightlifting, jiujitsu ken Kurash.
