LAOAG CITY – Naiget ti koordinasyon ti Environmental Program Office iti gobierno probinsyal kadagiti Municipal Environment and Natural Resources Office iti nagduduma nga ili ditoy probinsya kas paset ti panagsagsagana para iti Undas.
Daytoy ti inpakammmo ni Mr. Jogie Jimenez, ti Environmental Program Officer iti gobierno probinsyal.
Kuna na a kanayun ti panangpalagip da kadagiti residente ken beachgoers a masapol a pagtalinaeden da ti kinadalos iti aglawlaw, partikular iti kabaybayan ditoy probinsya babaen ti usto a panag-seggregate kadagiti basura.
Inpakaammo pay ni Jimenez nga adda dagiti naiwaras a signages kas ti “No Littering” ken adda payen dagiti naikabil a pagbasuraan tapno awan dagiti agiwarang ti basura na iti kabaybayan.
Innayon na a ti maysa a maipagtangsit ditoy probinsya ket ti kinadalos na rason nga ado latta dagiti turista nga umay bumisbisita ken mangdaydayaw iti Ilocos Norte.
