LAOAG CITY – Nangiyuswat ti demonstrasyon ti pamilya ken sumagmamano a supporters ni Mary Jane Veloso iti sango ti Korte Suprema.
Ipanpanawagan dagitoy nga iyalisto ti kangatoan a korte ti panagdengngeg ti kaso a naipila kontra kenkuana dagiti recruiters na.
Gagem da a no ma-expedite ti kaso ket naan-anayen a makaisumitir ti testimonya tapno mapaneknekan a ni Veloso ket biktima ti human trafficking ken illegal recruitment.
Katulungan ti abogado ni Veloso manipod iti National Union of People’s Lawyers, ginutigot da ti Korte Suprema a mangiparuk-at ti desisyon iti mosyon nga ituloy ti trial iti Correctional Institute for Women iti Mandaluyong City a nakabaludan na.
Karaman kadagiti inpila ni Veloso a nakapending paylaeng iti Regional Trial Court Branch 89, Baloc, Sto. Domingo, Nueva Ecija ket ti Human trafficking, illegal recruitment ken estafa cases.
Kabayatanna, inrakurak ti grupo a MIGRANTE International ti pannakadismaya da iti maipagarop a nabayag a pannagna ti kaso.
