LAOAG CITY – Posible a pudno a pangta ni Russian President Vladimir Putin ti baro a nuclear weapons ti Russia.
Inrakurak ni Putin nga awan ti kapadana dagiti nasao nga armas gapu ta maibilang daytoy a nuclear-powered, nuclear-capable underwater drone a kabaelanna a dadaelen ti sibubukel nga estado iti maiwayat nga operasion.
Inbatadna a ti Poseidon ket kabaelanna a gun-oden ti kapaspas a 200km/h nga imposible a malappedan.
Inlawlawagna a nangiwayat ti Moscow ti test para iti “unlimited-range” Burevestnik nuclear-powered cruise missile iti kallabes.
Inpettengna a saan daytoy a gagangay para iti Russia nga ag-test ti maipanpannakkel a klase kadagiti armas.
Maipalagip nga idi 2019, adda ti lima a Russian nuclear engineers ti natay iti rocket engine explosion no sadinno a sumagmamano kadagiti Russian ken experts ket nai-linked iti Burevestnik.
Immuna iti daytoy, iti napalabas a lawas, kinanselar ti White House ti maysa a summit iti nagbaetan ni United States President Donald Trump ken Putin kalpasan a naripar ti sekretario ti Estados Unidos a ni Marco Rubio a ti nagbaetan ti takder ti Moscow ken Washington ket nakasaysayaat para iti maysa a nangato a tukad a panagtataripnong tapno magun-od ti napintas a resulta.
