LAOAG CITY – Kinumpirmaran ti gobierno ti Kenya nga umabot iti 21 a tattao ti natay kalpasan ti napasamak a landslide iti laud a paset ti pagilian kalpasan ti sumagmamano nga aldaw a panagtudo na ti napigsa.
Inbatad ni Interior Minister Kipchumba Murkomen a dagiti bangkay ket naiyakar iti sabali a lugar kalpasan ti landslide iti Marakwet East.
Inpakaammo ni Murkomen a malaksid kadagiti natay ket adda pay ti nasuroka 30 a sabsabali dagiti nagtalinaed a mapukpukaw idinto a 25 dagiti nakaro a nasugatan.
Segun iti Kenyan Red Cross, marigatan ti rescue efforts a mangdanun kadagiti apektado a lugar agsipud ta saan a mapagnaan dagiti kalsada gapu iti mudslides ken flash flood.
