LAOAG CITY – Nakaiyawid ti naruay a medalya dagiti Gymnasts ditoy ciudad ti Laoag manipud iti kaleplepas a 13th Hong Kong Cup Rhytmic Gymnastics.
Daytoy ti inpakammo ni Mr. Hipolito Salva Jr., ti head ti Sports Development Office ditoy ciudad ti Laoag.
Karaman kadagitoy ket dagiti manipud iti Ilocos Norte College of Arts and Trades nga isuda Loureen Rhian Nicolas manipud iti a nakaiyawid ti gold medals iti Ball, Ribbon ken Individual All Around ken bronze medal iti Hoop kasta met ti Best Performance Award.
Kasta met kenni Jewel Mitch Cardaño a nakagold medal iti Hoop ken bronze medals iti Ball ken Individual All Around; ni pay Nadyne Lhei Corpuz a nakaala ti silver medal iti Hoop.
Bronze medal met ti naaala ni Kylie Venyce Duyao iti Clubs ken Individual All Around ken silver medal iti Ball – Silver ken Hoop.
Nakaala pay medalya dagiti agad-adal iti Shamrock Elementary School kas kenni Randhale Sky Paz nga addaan ti gold medal iti Hoop, silver medal iti freehand ken bronze iti Individual All Around ken ni Zoe Solen Reyes ket bronze medal iti Hoop.
Ni met Cefie Katherine Balanay iti Buttong Integrated School ket nakaiyawid ti bronze medal iti Rope.
Inbatad na nga agtultuloy ti ipaay a suporta ti city governemnt kadagiti nga atleta tapno mapapintas pay ti training a pagdalanan da para kadagiti sumarsaruno a laban da.
Namnamaen na a daytoy ti agserbi kas inspirasyon dagiti agtutubo tapno igaed da ti panagsanay tapno agballigi da no dumanon da iti international nga entablado.
