LAOAG CITY – Inyendorso ni United States President Donald Trump ni Andrew Cuomo iti kina-Mayor idiay New York City.
Ginutigot ni Trump dagiti botante a saan nga ibutos ti kabinnalubal iti eleksion ni Cuomo a ni Zohran Mamdani.
Inpettengna a kayat man dagiti tattao wenno saan ni Cuomo ket awan ti maaramidanda no diket rumbeng a butosanda isuna.
Mangnamnama ni Trump a kabaelan ni Cuomo nga aramiden ti trabahona ngem no ni Mamdani ket saanna a kabaelan.
Inlawlawagna nga agpangadua isuna a mangipaay ti nasursurok ngem ti very minimum level ti federal funding iti hometown ti New York no bilang mangabak ni Mamdani.
Kunana a narigat para kenkuana kas Presidente a mangipaay ti adu a kuarta idiay New York City gapu ta no adda ti communist nga agpaidasig iti nasao nga estado ti Estados Unidos ket sayang laeng dagiti maipatulod a pundo.
Mainaig iti daytoy, inrakurak ni Independent candidate Cuomo, maysa a long-term Trump critic ken dati a Democratic governor ti New York state a saan nga iyen-endorso isuna ni Trump no diket kalkalabanenna ni Mamdani.
Kabayatanna, no mangabak ni Mamdani, isuna ti agbalin a kaunaan a Muslim Mayor idiay New York City ken kaubingan kalpasan ti sumurok 100 a tawen.
