LAOAG CITY – Inapubran ni President Ferdinand “Bongbong” Marcos Jr. ti rekomendasyon par aiti pannakaideklara ti state of national calamity gapo iti epekto ti Bagyo Tino.
Inrakurak daytoy ni Marcos kalpasan ti situation briefing na kadagiti concerned government agencies.
Segun kenni Marcos, adda ti rekomendasyon ti National Disaster Risk Reduction and Management Council para iti national calamity gapo iti epekto ti Bagyo Tino ken ti manmanama a sumrek a napigsa a bagyo.
Malaksid iti daytoy, kuna ti presidente a manarimaan ti relief operations kadagiti apektado ti bagyo Tino.
Mainaig iti daytoy, inbatad na na isagsagana metten ti gobierno iti posible met nga epekto ti sumrek a bagyo iti sumarsaruno nga aldaw.
Ummuna iti daytoy, inpakammo ti Office of Civil Defense (OCD) nga umaboten ti 114 nga indibidual ti natay gapo iti iduduparak ti bagyo Tino.
Kuna ni OCD deputy spokesperson Diego Mariano a kaadoan kadagiti natay ket nairekord iti probinsya ti Cebu Province nga umabot iti 71. Manarimaan met a mabirbirok dagiti 127 a mapukpukaw ken nairekord pay ti 82 a nasugatan.
