LAOAG CITY – Umabot iti 202-milyon a pisos ti pondo nga iyalokaran ti lokal a gobierno iti ili ti Solsona para iti 2026.
Inbatad ni Vice Mayor Jonathan de Lara iti ili ti Solsona, a manarimaan ti pannakatratar ti nasao a budget ken manamnama ti deliberasyon na iti sumaruno a lawas.
Kuna na a kalikagom da a mausar ti pondo para iti sumaruno a tawen gapu ta iti agdama ket ado dagiti naka-budget ngem saan a maus-usar.
Inpakaammo ti bise mayor a ti kangrunaan nga ilatangan da ti pondo ket iti benneg ti agrikultura.
Segun iti bise mayor, dakkel ti maitulong dagiti mannalon isut gapuna a masapol a maipaayan da ti naan-anay a suporta ken itandudo ti tobacco farming iti nasao nga ili.
Maipalagip nga ita a tawen ket adda ti pondo ti ili ti Solsona a P172-milyon a pisos, ngimmato ti nasurok a 30-milyon a pisos ti budget ti ili para iti sumaruno a tawen.
