LAOAG CITY – Kiniddaw ni Atty. Israelito Torreon, legal counsel ni Senador Ronald “Bato” Dela Rosa a mangiruar ti public apology ni Ombudsman Jesus Crispin “Boying” Remulla.
Daytoy ket no makumpirmaran nga awan pay ti inruar nga arrest warrant ti International Criminal Court (ICC) kontra iti senador.
Inbatad ni Torreon, saan nga angaw ti nagbalin a rakurak ti Ombudsman nga arig a nakakigtutan ti intero a pagilian.
Daytoy ket mainaig iti rakuak ni Remulla a nangiruaren ti warrant ti International Criminal Court banag a naglikudan ti Department of Justice iti babaen ken ni Spokesperson Polo Martinez.
Agtultuloy a kidkiddawen ti Bombo Radyo Philippines ti takder ti Ombudsman para iti nayon a pannakailawlawag iti daytoy.
Ti International Criminal Court met ti nangirakurak iti Bombo Radyo a nasken nga isuda ti paggapoan ti impormasion no adda ti aniaman a pammilin kontra kadagiti personalidad nga addaan ti kaso iti International Criminal Court.
