LAOAG CITY – Dumanonen iti sumurok 300 nga indibidual ti death toll ken missing gapu iti Bagyo Tino partikular iti Visayas Region.
Iti press briefing ng National Disaster Risk Reduction and Management Council (NDRRMC), addan ti 204 nga indibidual ti opisial a bilang dagiti natay a pakairamanan ti 141 idiay Cebu; 27 idiay Negros Occidental, 20 idiay Negros Oriental; 6 idiay Agusan del Sur, 3 idiay Capiz, 2 idiay Southern Leyte ken saggaysa idiay Antique, Iloilo, Guimaras, Bohol ken Leyte.
Iti situation report, inbatad ni National Disaster Risk Reduction and Management Council Executive Director Undersecretary Harold Cabreros nga adda ti 109 a tattao ti mapukpukaw ken agtultuloy a mabirbiruk.
Kabayatanna, ti Bagyo Tino ket namin-walo a daras a nag-landfall wenno timmama iti kadagaan idi Martes no sadinno a nakaro a naapektaran ti Visayas Region ken naapektaran met ti sumagmamano a paset ti Mindanao.
