LAOAG CITY – Manarimaanen ti panagaramid dagiti balud iti Ilocos Norte Provincial Jail kadagiti lantern ken dadduma pay a Christmas decorations.
Daytoy ti inpakaammo ni Jail warden Edietor Guiang iti Ilocos Norte Provincial Jail.
Inbatad na a dagiti ar-aramiden a produkto dagiti balud ket ilako da iti ruwar tapno adda latta ti pamastrekan da uray nakabalud dagitoy.
Kuna pay ni Guiang a nakikoordinar payen ti gobierno probinsyal kadagiti balud tapno isuda ti agaramid kadagiti maidekorar iti kapitolyo probinsial, kasta met iti Paoay Church ken dadduma a tourist spot ditoy probinsya.
Malaksid kadagiti Christmas decorations ket addan dagiti sigud nga ar-aramiden a produkto dagiti balud nga ilaklako da iti ruwar.
