LAOAG CITY – Nasurok a 250 a tattao ti natiliw iti napaigeran a kampanya ni US President Donald Trump kadagiti undocumented immigrant idiay Charlotte, North Carolina.
Ti Charlotte ti kaudian a ciudad a nakaiwayatan ti operasyon babaen iti Department of Homeland Security (DHS) kalpasan ti Chicago ken Los Angeles.
Naawagan nga “Operation Charlotte’s Web” daytoy no sadinno kinondenar dagiti residente.
Inbatad met ti Department of Homeland Security a kaadoan kadagiti natiliw ket miembro iti dangerous criminal illegal aliens pakairamanan ti gang members.
Sumagmamano kadagiti natiliw ket nakumbiktaran iti krimen pakairamanan ti assault on law enforcement, driving while intoxicated, theft ken tampering with government documents.
Kabayatanna, inakusaran met ni North Carolina’s Democratic Governor Josh Stein dagiti agents a nangiyus-uswat ti profiling kadagiti residente.
Immapela pay ti Mayor a masapol nga agoperar dagiti federal agents nga addaan ti respeto.
