LAOAG CITY – Inpakaammo ni Ms. Mylen Pascual, mangidadaulo ti City Environment and Natural Resources Office (CENRO) ditoy ciudad ti Laoag nga adda ti naangay a panagtataripnong da kadagiti agtagikua kadagiti business establishments tapno ipalagip kadakuada ti panagadaptar iti “single use of plastic” policy wenno ti pannakaipawil ti panagusar ti plastic.
Segun kenni Pascua, kasapolan a maamoan da dagitoy a polisiya tapno maitandudo ti solid waste management.
Inbatadna nga iti umay nga holiday season ket saan a maliklikan nga ado dagiti agturong kadagiti kabaybayan nga agpipicnic, agpapangan ken dadduma pay isut gapuna a kasapolan a palagipan dagiti turista maipanggep iti polisiya tapno mapagtalined a nadalus ti aglawlaw.
Kunana a nasaysayaat no agbalon laengen ti kutsara ken tinidor kasta met ti pinggan tapno usaren no agpapangan iti pagpasyaran ken kangrunana ti saan a pannakasayang dagiti balon da a makan wenno ti “no to food waste ” ken nasaysayaat laengen no ipakan kadagiti taraken nga aso wenno pusa dagitoy.
Inayonnna a babaen iti daytoy nga addang ket magun-od ti zero waste managment babaen iti in-inot a pannakaisuro ken pannakaipaganetget kadagiti umili iti panangliklik ti panagusar ti plastic.
