LAOAG CITY – Agtaripnong dagiti United States ken Russian officials idiay Abu Dhabi mainaig iti Ukraine peace talks kalpasan ti deadly overnight strikes.
Segun iti City Mayor, adda ti innem nga indibidual ti natay gapu iti nagpatpatnag a Russian strikes idiay Kyiv idinto nga inpetteng dagiti opisial ti Russia a dagiti tallo a tattao ket pimmusay babaen ti Ukrainian strikes.
Makitaripnong dagiti opisial ti Estados Unidos kadagiti pannakabagi ti Russia idiay Abu Dhabi no sadinno a ni Keir Starmer ti ag-host ti virtual meeting pakairamanan dagiti kaalyado ti Ukraine.
Mainaig iti daytoy, inpakaammo ti security chief ti Ukraine a mabalin nga agkita da Ukrainian President Volodymyr Zelensky ken United States President Donald Trump kadagiti sumarsaruno nga aldaw.
Naammoan a dagitoy a panagtataripnong ket kagiddan dagiti aldaw a naiget a panagsasarita mainaig iti plano a suportado ti Estados Unidos para iti panaglippas ti gubat a maysa a plano nga iti rugi ket nakaawat ti pammabalaw manipud iti Kyiv ken dagiti mangidadaulo iti Europa.
Kabayatanna, inbatad ni Zelensky a maysa a na-update a plano nga addaan ti linaon a naruay kadagiti husto nga elemento kalpasan kadagiti negosasion ngem inpetteng ti Russia a ti plano ket saan a maipakpakat kadakuada.
