LAOAG CITY – Kinumprontar ni Senator Franciz Escudero ni Department of Public Works and Highways (DPWH) Sec. Vince Dizon mainaig iti anomalya iti flood control projects.
Napasamak ti komprontasyon iti deliberasyon ti 2026 budget ti DPWH no sadinno temporaryo a sinuspenso ni Senate Majority Leader Juan Miguel Zubiri ti sesyon.
Sinaludsod ni Escudero ni Dizon no ania ti nangkumbinsir kenkuana tapno akasoan ni dati nga House Speaker Martin Romualdez ken dati nga Ako-Bicol Partylist Zaldy Co.
Inbatad met ni Dizon a ti rekomendasyon a mangipila ti kaso ket kalpasan ti naiyuswat nga inspeksyon ti DPWH idiay Oriental Mindoro a nakairamramanan ti Sunwest Corporation a kumpanya ni Co.
Kunana pay nga awan ti panagbuteng ni Dizon a kasoan ni Romualdez uray kasinsin ni Pres. Ferdinand Marcos Jr.
