LAOAG CITY – Inpakaamo ni Mayor James Bryan Alcid nga awan ti problema ti relasion na kadagiti miembro ti konseho ditoy ciudad ti Laoag.
Segun ken ni Alcid, silulukat ti komunikasyon na kadagiti amin a Sang. Panlungsod members kangrunaan na kenni Vice Mayor Rey Carlos Fariñas.
Inbatad na nga importante ti komunikasion gapu ta no awan daytoy ket dagiti umili met laeng ti agsagaba.
Kunana a ti pagpintasanna iti panagkakadia dagitoy ket no adda iti sushesionna ket sidadaan da met a dumngeg ken isu ti met ar-aramiden na.
Mainaig iti daytoy, kunana nga adda pay ti gundaway nga agsinsinukat da ti text message kenni Fariñas no adda ti napateg a pagsaritaan da.
Kabayatanna, kuna ti mayor a no saan da nga agkikinaawatan ket a makaapekatar daytoy iti trabaho da ken kangrunaan kadagiti umili a pagserbian da.
