LAOAG CITY – Inawat ti pamilia Duterte ti nagbalin a desision ti Appeals Chamber ti International Criminal Court (ICC) a nangibasura iti kiddaw nga interim release wenno temporario a pannakawaya-waya ni dati a Presidente Rodrigo Duterte.
Iti maysa nga statement, inpetteng ti pamilia nga itultuloyda ti pannakitinnulong iti defense team ti dati a Presidente iti kaso.
Agtultuloy met ti panangipaayda ti suporta iti dati a Presidente babaen iti inaldaw a pannakisarsaritada kenkuana.
Nagyaman ti pamilia Duterte kadagiti amin a nakikaysa kadakuada iti panagkararag para iti dati a Presidente.
Immuna iti daytoy, iti nagbalin a desision ti International Criminal Court, saan a pinatgan ti Appeals Chamber ti tallo a nagbalin a nangibasaran iti apela ti kampo ti dati a Presidente.
