LAOAG CITY – Inpaima ti International Criminal Court (ICC) prosecutors ti kanayonan nga agarup 7,000 a pidaso nga ebidensia iti defense team ni dati a Presidente Rodrigo Duterte sakbay iti naikeddeng a trial wenno panangusig inton Nobiembre 30.
Basar iti notification ti prosekusion ti disclosure of evidence manipud Enero 7 agingga Hulio 31 a 6,909 ti pakabuklan nga items of evidence ti naipaima iti legal team ti dati a Presidente no sadinno mabalin a tingitingien ti depensa ti mayorya.
Iti nadakamat a bilang, addan iti 4,773 ti inkategoria kas Rule 77 evidence ti maysa a “tangible evidence” a mabalin a sukimaten ti depensa. Kabayatan nga addab iti 2,279 ti “incriminating evidence” wenno nang-akusar iti dati a Presidente mainaig kadagiti natay iti kampania kontra iti illegal a droga.
Pakairamanan ditoy dagiti dokumento mainaig iti operasion ti barangay, dagiti tinarget a personalidad wenno high-value target ken ti Davao Death Squad (DDS).
Ti nabatbati a 57 ket inkategoria kas “potentially exonerating” evidence pakairamanan ti impormasion ti pabor iti depensa wenno mabalin a mangpakapsot iti kredibilidad dagiti witness ken maysa pay a set of informayion a nangipakita ti “line of defense.”
Ti kabaroan a batch dagiti ebidensia ket kanayonan iti umuna nga materials iti inpaima ti prosekusion iti depensa manipud idi naarestar ni Dutere ken pormal a nakasoan iti International Criminal Court (ICC) ti crimes against humanity maianaig iti panangpatay iti war on drugs iti Marso iti napalabas a tawen.
Iti agdama, iggem ti Trial Chamber III ti International Criminal Court (ICC) dagiti dokumento ken materialespara iti panagsagana ti panangusis.
Dagiti impormasion ken dokumento ket agtultuloy nga ikonsiderar kas confidential iti baet ti dua a partido ti korte.
